Demoso Kahdohnak Ah SAC Ralkap 30 An Thi, Hriam Tampi An Lak Khawh
The Chinland Post | 2023 April 19 — Karen ram, Demoso peng, Dawngyi khua pawng ah ni 2 chung kahdohnak a fak i SAC ralkap 30 hrawng an thi, hriam tampi zong an lak khawh tiah Karenni kahdohnak lei zung nih an thanh.
April 16 zinglei sml 7:30am hrawng thawk in Demoso peng, Dawngyi khua ah thazang 170 hrawng SAC ralkap an rak luh caah KA, KNDF phufonh nih an doh hna i April 17 tiang ni 2 chung kahdohnak a fak, SAC ralkap 30 hrawng an thi i hriam tampi an lak khawh tiah theih a si.
Kahdohnak chung ah sunghnak a tuar mi SAC ralkap nih April 16 chun sml 1:30pm hrawng ah kahdohnak vanlawng in voikhat, zaanlei sml 3:30pm ah voikhat, April 17 chun sml 12:00pm ah voikhat, April 18 zaanlei sml 4:00pm hrawng ah voikhat tiah bom a rak thlak leng ah hriamngan zong pehzulh in kah a bawmh hna tiah theih a si.
Kahdohnak chung ah KA, KNDF, Loikaw PDF hna bawm in SAC LIB 15, 55, 80 hna an doh hna hi a si.
