Demoso le Pharuso peng kahdohnak chungah SAC ralkap 3 an thi i hriam cheukhat an lak khawh

0

The Chinland Post | 2022 September 5 – Karenni ram, Demoso peng le Pharuso peng ah a rak lutmi SAC ralkap le Karenni phufonh hna karlak ah kahdohnak a chuak i SAC ralkap 3 an thi, hriam cheukhat an lak khawh tiah KNDF thawngthanhnak in theih a si.

September 4 ah Pharuso hrambunh LIB 531 le 438 battalion hna nih mawṭaw 6 in Demoso lei ah a kalmi SAC ralkap hna cu Demoso thlanglei Ngwetaung khuate pawngah KA le KBDF battalion 10 phufonh hna nih an kah hna i sml 4 chung kahdohnak a rau.

Cu kahdohnak chungah SAC ralkap 1 a thi i fak piin a hliammi an tam i kahdohnak chungin MA-3 zuun 1 le kuan pawl an lak khawh.

Cu ni chun sml 1:36pm hrawng zongah Pharuso khua luhnak Dawnge le Htipaw khua pawngah a ummi SAC ralkap pawl cu KA, KNDF battalion 4, 5 hna nih an va kah hna i sml 2 leng kahdohnak a chuak i sniper nih SAC ralkap 2 a thah i mawṭaw pakhat zong cheng ah a tla tiah theih a si.

Kahdohnak chungah fah a tuarmi SAC ralkap nih hriamngan tampi an hman i Demoso-Pharuso lam thluangthluan ah kahdohnak a tuah caah nifatin ngawt in kahdohnak a chuak tiah KNDF nih a thanh.

About The Author

Na ruahning rak langhter ve.. (Leave a comment)

%d bloggers like this: