Denmark CND Zuamcawh Paih Ah Khuabung Khuami Ro Sang Bik Nih Champion A Co
Tawk Tling Thang | 2019 February 16, Denmark ah tuahmi Chin National Day (CND) zuamcawh paih zuamnak ah Thantlang peng, Khuabung khuami Ro Sang Bik nih champion a co tiah kan theih.
Hi paih zuamnak ah Norway le Sweden lei pathawng hna zong an i tel. Zatlang paih ah Za Bawi Sang nih bual a co. Tambik teitu hi Hrang Tin Lian (Khuabung) asi, minung 5 a tei hna. Zuamcawh final ah Hakha Khuahlun in Tluang Za Hnin Thang @Mg Htwe le Khuabung khuami Ro Sang Bik an i pai. Ro Sang Bik nih khelhnih thlak in a tei caah champion a co.
Tutan ah Denmark le Europe champion a rak cotu Van Ro Hlawnceu aa pai lo tiah kan theih. Hika ah 2019 kum Denmark Chin Miphun Ni paih zuamnak an tuahmi final telhchih in video zoh khawh a si.
Ro Sang Bik hi a ralaimi World Paih Championship nih US ah tuahdingmi paih zuamnak ah Denmark ram pathawng hna he an kal lai. World Paih Championship paih zuamnak cu a ralaimi June 29, US ah tuah an timh. Atu lio World Paih Championship champion min kengtu cu Chuncung pathawng Rung Lian Ceu a si tiah kan theih.
Denmark ahhin pathawng Tha Cung Lian, Mang Ceu Lian, Vo Ro Hlawnceu tibantuk an um tiah kan theih.
About The Author
