Disciple Group Ministry (DGM) Camping Le Thlacam Sawmnak

TCP-Kalay| 2019 February 14| Disciple Group Ministry (DGM) nih February 11-17 tiang Gangaw peng ah Camping an tuah cuahmah tiah thawng kan theih.

2019 February 11 – 17 chung Gangaw peng Daidin khua ah DGM hruaitu hna, hlasa Duh Tin Tuan , Tial Tin Cuai, Rosely, Elizabeth, Sui La Meih, Rosely, Maw Nung , Dawt Len , Sang Hre Lian, Luai te le Keyboard ah Saya Aung Aung an si lai tiah DGM lei in thawng kan theih.

2019 January 27-February 4, ah Tilak siseh, January 14 – 21 ah Ohhlah (Gangaw Peng ) ah Camping an rak tuah cang. Avoi (23)nk a kum in kum 16nak DISCIPLE GROUP MINISTRY thithruainak in ram le miphun damnak ding ah rawlulh in thlacamnak cu Salen khua (Thantlang peng) ah December 28-30, 2018 an tuah kho i khua (41) in Minung (840), Evangelists (19), Pastor (16), Singers (22) an rak i tel kho.

DGM Hruaitu Rev. Za Kian nih, “Chin miphun an dawtnak cu sehtan nih an nunnak a temtawnmi chungkhar nih celh ti lomi, zatlang bu nih zei ah rel ti lomi minung hna chanhchuah dingin thlacamnak le bawmhchanhnak Ruavazung Rescue Center kan dirh. Nihin ni tiangah Rescue Center nih a chanh chuahmi hna cu zu le rithaisi a hmangmi minung 1000 leng an si cang. Caantling riantuantu Evan. 17, Missionary 1 (Yangon Hmawbi) ah a si. DGM thlarau thanghphawhnak thawngin Pathian riantuan mi tampi kan chuak cang. Ruavazung Rescue Camp ummi chungin evangelist a chuakmi minung (20) leng an si cang. Pathian thawngtha chimnak hi kum 16 kan phak a si cang” tiah a chim. DMG cu 2008 ah an dirh tiah theih a si.

Ruavazung nih aa tinhmi cu
1. Chungkhar nih celh ti lomi zohkhenh a si. Minung sinak in celh ding a si lo. A cheukhat cu zarhkhat chung tiang hna chun he zaan he an zohkhenh hna. An zun ek zong an fim dih hna, din ei in si seh, chappiat tiangin kan rin hna. Camp ummi hrim nih ni 21 tiang rawl ulh in thlacammi an tam ngai.
2. Hi riantuannak hi mizapi nih theithiam hna selaw khrihfabu le cozah hrim nih thazaang an kan pek ding hrim a si. Chungkhar thilrit an chawn hna, khrihfabu thilrit an chan hna pinah cozah thilrit an chan hna a si. Miphun thilrit an chan hna.
3. Hi riantuannak hi kan zoh sawsawh ding a si lo. Pumpak, chungkhar, khrihfabu miphun nih kan tan pi hna ding a si.

DGM hruaitu Rev.Za Kian nih cun “kan miphun a kan hrawktu wine, zu le ritnak vialte a doh in doh nakin sualnak chungah a kan temtawntu Setan tu kha tem ding kha a biapi deuh” tiah a chim.

Zawtfah zualhma le thih loh a tongmi um kalnak ah a lungre a theimi caah motor DGM nih don thlahnak ah hman khawh a si. Evan.Pakil 09442001590.

Leave a Commnet

%d bloggers like this: