Dollar Thlen Kaiter Thluamah Dingin Aa Zuamcawh Mi Paoh Dantat Ding Timi Thawngtheih Hnu In Dollar Thlen A Tum Than
TCP-Online| 2018 September 25| Rampi President zungin chim relnak nawl a ngeimi U Zaw Htye nih Dollar man kai ter thluahmah dingin tangkaa a tawngtham mi paoh hlathlainak kan tuah hna lai i dan kan tat hna lai tiah September 21 Media hmai a chim thawngin September 22 ah Dollar thlen ks. 25 a tum than.
“Cozah nih thawngthanhnak an tuah bak in dollar thlen a tum colh. Mah pin lei zongah an pehzulh zong a herh” tiah tangkaa thlennak a tuah tu Dr. Soe Tun nih a chim.
Dollar thlen kai seh ti duh ruangah thilman kai in aa zuam cawh mi pawl hi za renglo an si cang. Mah hna pawl cu a tu lio cozah an zumh hna lo ruang ah a si caah cozah lei zong hi kongah tuanvo nganpi an ngei. President zong nih Dollar thlen kongah mizapi hna nih a dikfelmi thawngpang kha an theih khawh nakhnga hmaiah fong in an chim rel awk a si. Cozah committee hna le mizapi lei riantuantu pawl hna zong an i ton a herh” tiah a cunglei upa nih a chim.
Dollar thlen cu September 20 lio ah 1640 MMK, tiang a kai i September 22 zanlei sang ah 1615 ah a tum than.
Ref: The Voice
About The Author
