Dr. Lae Lae Maw eihmur ruang ah kum 30 thong an thlak lai

Dr. Lae Lae Maw, Chief Minister, Tanintharyi Ramthen

TCP Hakha — Ziknawh eihmur ruang ah Tazacuai a tongmi Tanintharyi Ramthen Chief Minister Dr. Lae Lae Maw cu biacaih zung nih biakhiahnak an tuah cang tiah theih a si.

Lae Lae Maw hi thil sual a tuahmi thil phun 3 ruang ah kum 10 cio thong an thlak lai tiah Dawei Watch thawngzamh phu Editor sin in kan theih tiah BBC Burmese nih a thanh.

Dr. Lae Lae Maw sin ah ziknawhtu an si tiah ruah mi GGS Company in lutlai upa zong thong kum 10 cio thlak ding in biakhiahnak an tuah tiah theih a si.

Atu ah kum 30 thongthlak ding in biakhiah a tongmi Tanintharyi ramthen Chief Minister Dr. Lae Lae Maw hi sualpuhmi thil pathum lawng silo in, biacaih rihlomi a dangdang zong a um rih. Cucu, atu a tlak dingmi thong kum vial he an fonh chih lai maw, a dang tein dah an rel piak lai timi bel theih a si rih lo.#

Ref: BBC Burmese

Na ruahning rak langhter ve.. (Leave a comment)

%d bloggers like this: