Dr. Randy Adam Nih CBTC Siangngakchia Pahnih Degree A Pek Hna
Salai Biak| 2018 March 5| Rev. Dr. Randy Adam nih hakha ah dirhmi Chin Baptist Theological College (CBTC) sianginn in siangngakchia pahnih cu March 4 ah Diploma Degree a pek hna tiah kan theih.
“Kum fatin ramdang mi sawm in Degree peknak kan ngei. Dr. Randy Adam hi tukum in avoi 2nak Degree a pek cang hna. Tu kum ah final year akai mi hi minung pa thum an si i thesis an tialmi an lim khawh deuh lo caah B.Th degree cu hmaikum lei ah pek an si te lai. CBTC sianginn kai pah bu in distance education (အေ၀းသင္) kai chih khawh a si. Hiti B.Th pawl degree an laak khawh lonak a ruang bik cu awaitin an phit pah ruang i an thesis an tei lo caah a si. Tukum ah CBTC siangngachia kumdongh tiang a kai khomi zapi hi 21 an si. Sianginn riantuantu faculty hi pa 9 kan si” tiah CBTC Saya pakhat nih TCP ah achim.
“A ralaimi cacawn kum caah sianginn hun caan hi June 1 ah asi lai i siangin ap caan hi May 15 in asi lai. Sianginn kainak kong he pehtlai in phaisa lei in a har deuhmi um cun kanmah nih zoh chungin bawmhnak kan pek pah hna” tiah achim chap.
Tukum hi avoi 8nak Degree an pek hna asi i tukum Diploma Degree a lami pahnih cu Than Win le Mang Bawi Hnin an si. CBTC college cu 2007 in an rak thawkmi asi i atu lio an principle cu Rev. Hoi Cung Tum a si. CBTC ah cawn khawh a ngahmi cu B.Th le Diploma an si. Hi sianginn cu Chin Baptist Convention nih a tawlrelmi le a tlangtlakmi a si tiah kan theih.
Photo: The Chinland Post
About The Author
