Dr. Za Hlei Thang Ruak Cu Kawlram Ah Tlunpi In Falam Ah Phum Ding Timlam
TCP-Online| 2018 March 19| March 17 ni zanlei suimilaam 1:34 ah mual a liam mi Chin MP hlun le CNF ah former Chairman a tuanmi Dr. Za Hlei Thang cu US ram i Georgetown University Hospital ah cuap lei damlonak in mual a liam ruangmang.
Amah a nun lio hrim ah hin ‘ka thih tikah ka rual cu Falam thlanmual ah ka vui te uh’ tiah bia a rak cah hna. Cucaah, Dr. Za Hlei Thang ruak cu Kawlram ah tlunpi in Falam khua ah vui dingah timhlamhnak an ngei ti kan theih.
Hi kongah Maryland i FBC khrihfabu ah Pastor tuan liomi Rev. Dr. San No Thuan nih “A fanu Dr. Milan Za hi April 13 ah caminpuai ngei ding a si caah a ruak cu Frederick, Maryland ah sau nawn chiah rih kan tim. Biafang deuh kan theih in thawng zong ka rak thanh than te lai” tiah Chinland Today Media ah a chim.
Dr. Za Hlei Thang cu 1943 kum April 6, Falam peng Tlauhmun khua ah a chuak i a thih ah kum 75 a tling. Yangon ah tanghra a dih, tanghra a dih nak hmun ah hin a mah tel in minung 3 lawng nih sii lei kainak Doctor an rak kai kho.
“Dr. Za Hlei Thang hi sianghngakchia a rak si lio te in miphun dirkamhnak ah hmaisuang a rak si zungzal. Ne Win cozah nih saupi thong an rak thlak. A chuah hnu ah sianginn a peh than i Siibawi rian a tuan. 1990 thimnak lio ah Falam peng in MP a tling mi asi. SLORC ralkap cozah nih tlaih an timh caah ramleng ah a rak chuak mi asi. 1994 kum Marnepalaw KNU hmunlipi ah kan rak ihmu hmasa bik. Mah hnu cun 1998 Ottawa Chin seminar ah kan i tong than. 2011 CNF conference ning in 2012 thok in hmasabik Supreme Council Chairman a tuanmi asi. Amah a tuan lio ah CNF le Kawl cozah ahmasa bik chawnhbiaknak an thawk asi. Mi nunnem, miphun daw, pa chuakthiam asi” tiah CHRO in Executive Director Salai Bawi Lian Mang nih a facebook ah a tial.
Dr. Za Hlei Thang a nupi cu Sayamah Ni Dong a si. Fanu Dr. Milan Za le fapa San Oo Za a ngeih hna.+++
About The Author
Dear our respectful leader
Today you made a history
A history generations will remember
About genuine nationalism of Chin people
Throughout the political turmoils and tidings
Along the many twists and turns
Across the oceans and mountains
After enduring all those painful pasts
You called a period today and rest in peace
We envision your soul in the arm of your entrusted Father
We are only good to say goodbye to bid farewell
Enjoy the morning of your new horizon.
Yours respectfully,
Salai B Thang
Maryland, USA