Eagle Group Futsal Ah Huiraw FC Nih Pakhatnak An Co I Phukhat Kumkhat Chung Bar An Tong

0

Salai Elvis| 2018 April 17| Avoi 3nak Eagle Group Futsal pumpululh chuihzuamnak chungah Huiraw FC nih pakhatnak laksawng sing 2 le medal qhi an co i kumkhat chung Futsal chuihnak chungah i tel ti lo ding in phu khat an bar tiah thawng kan theih.

Zarhhnih chung tuahmi Eagle pumpululh chuih zuamnak ah pakhatnak Huiraw FC laksawng sing 2 le medal qhi le pahnihnak Vakok FC singkhat le medal qhi an pek hna. Hi pumpululh chuih zuamnak chungah a dih tiang a chuih lomi cu kumkhat bar tiah hunnak tuah lio ah thawngthanh cia a si ko nain Example Group (Hakha) hna cu a dih tiang an chuih lo caah a tu bantuk in kumkhat chung an bar hna hi a si.

champion cotu Huiraw FC

“Kan bar mi hna hi qha tein thawngthanh cia an si ko caah Eagle nih tuahmi Futsal chungah kumkhat kan bar hna lai. Cu lawng si lo in Thantlang khua um zatlaang bukip hna nih tuahmi zong ah i tel kho ti lo dingin an hruaitu te kan chimh chawnh hna lai. Kumkhat voikhat pehzulh in tuah kan timh ko” tiah Eagle Group President Pu Hrang Lian nih TCP ah a chim.

Hi a chuihmi chungah thiamhlei laksawng a hmumi hna: kawlbawh thiambik Moses, Bawi Hu (hnukham), Van Nawl Thang (a lai kal), Carson (kawl tambik sut tu le a chuih mi vialte lakah a thiambik) nih an co. Avoi thumnak Eagle Group ah phu 23 an i tel kho.

Vakok FC

Avoi khatnak tuah lio Eagle Futsal pakhatnak Lucky FC, avoi hnihnak Dove Group le a tutan avoithumnak ah Huiraw Fc nih pakhatnak an lak hi a si. Tutan Futsal an tuahnak chungah a lenglei in tangka thazaang in a pethen tu hna zong an um len. Tutan ah a bik in Sponsor a petu hna cu MARIE STOPES Myanmar an si tiah theih a si.

About The Author

Na ruahning rak langhter ve.. (Leave a comment)

%d bloggers like this: