Eaindara Kyaw Zin Nih Mizapi Pekmi Academy Hi Kaa Lunghmuih Tuk Ko Cang A Ti

0

City Hunter|2018 March 23| Academy ka va ngah pek ngah lo pek, atu bantuk in mizapi pekmi academy ka ngahmi hi kaa lunghmuih tuk ko cang tiah media nih bia an halnak ah Kawlram lemcang thiam minthang Eaindara Kyaw Zin nih a chim. Atu bantuk in Kawlram lemcang thiam Eaindara Kyaw Zin nih bia a chim hi March 23 ah tuahmi Myanmar academy peknak tuah hlan deuh ah a chim hi a si.

Mizapi nih nangmah nih academy na ngah lai. Nangmah nih academy ngah seh ti kan in duhpiak tiah mizapi nih tha na kan pek. Hiti thapeknak ka tonmi nihhin kaa lunghmuih tuk ko cang a ti. A ngah lai, a ngah sual lai lo tiah faktuk in ka ruahpiak hlah uh. Zaangdamte in um hna usih law ka ngah si le kan i nuamte hna lai tiah Eaindara Kyaw Zin nih a ti.

Kawlram lemcang thiam Hein Wai Yan nih Academy laksawng cotu ding a ruahdamhmi pahnih cu a tha bikmi baisakup muicawl le Director laksawng a si. A tha bikmi baisakup muicawl cu “ထာ၀ရအေမ timi le a tha bikmi Director cu U Zin Yaw Maung Maung/U Nyunt Myanmar Ngyi Ngyi Aung” an si lai tiah a tial. Amah Hein Wai Yan hrimhirm zong hi academy pekding min cazin thimmi ah aa tel tiah theih a si.

2017 caah Myanmar ram academy laksawng peknak cu March 23, Mindamah laam, Myanmar Event Park ah an tuah lai. Hi academy laksawng peknak ah Rampi Ruahnak Petu zung in Daw Aung San Suu Kyi a kai lai tiah chimnak nawlngeitu U Zaw Htay nih a chim.

1952 kum in thawkmi Myanmar ram baisakup (academy) laksawng peknak tuanbia ah cozah lei in a sang bik an i tel cu nikum ahkhin a si. Nikum academy laksawng peknak ah Vice President Henry Van Thio nih a telpi hna. Tukum cu rampi ruahnak petu zung in Daw Aung San Suu Kyi aa tel lai caah Myanmar ram cozah in a sang bikmi a hmasa bikmi aa tel lai a si lai.
Ref: 7Day News, shwemom

About The Author

Na ruahning rak langhter ve.. (Leave a comment)

%d bloggers like this: