Chin Digest_Vol 6, No. 4_Cover

Tutan a ra lai mi November 8 ah a voi 3 nak Ramkomh Kawlram ah Thimnak ngei ṭhan ding kan si. Nihin thil sining kan zoh tik ah, Minung lungthin a hliphlauter ngai ngai. Kum dang tawn lo bang, a hlei in a dan khun nak cu Mino teltumnak hi a si. Mino fakpi in an cawlcang, an thazaang an chuah.

Cucaah, tutan ah hin, a ra laimi Nov. 8 Ramkomh Kawlram thimnak ah mizapi thimfung thlatu nih biakhiahnak felfai tein a kan bawmchantu a si hnga maw tiah Chin Digest Vol. 6, No. 4 cu kan hun chuah than. A chung ah, a biapi in Chin ramkulh Khualipi a thawng tiah ruah mi ramkhel phu in NLD hruaitu Pu Zo Bawi, USDP hruaitu Dr. Hmuh Thang le Miphun party tiah ti mi CNLD in Salai Ceu Bik Thawng biaruahnak kan ngei hna.

Cun, a hlei khun in nihin ah Mino cawlcanghnak fak tuk in a hun langh caah, party pathum chung in a cawlcang mi mino Salai Ngun Sang Aung (CNLD), Isaac Bawi Za Liang (NLD), Salai Duh Tlun (USDP) zong biaruahnak kan ngeih hna. Anmah pumpak pakhat cio nih an ruahnak felfai ngai in an langter mi hi Chin Digest Vol. 6, No. 4 chung ah rel khawh an si.

A tutan ah voidang kel bang capar a kan ṭial piak tawntu chung in Rual Lian Thang nih Miphun zahpi lonak kong he pehtlai in, ‘Malinchinsm’ kong siseh, Ramkom Kawlram thawhkeh ning le sining kong ah Thawng Tha Lian S nih ṭial mi, ‘Kan Tuanbia Tlawmpalte’ tkb. miphun sining kong kherhlai mi capar rel khawh an si.

Thimfung lemsoinak tuah chung le thimfung thlak lai a si bang, Salai Khamh Pek Lian ṭial mi, ‘Zei Party Ah Dah Thimfung Kan Thlak Lai’ tiah a tial mi capar le Salai Chan Bik Ceu nih tlangtar mi ‘2020 Myanmar Ram Thimnak Tungtlang Kherhlainak’ le Salai Ṭial Hram Ling ṭial mi ‘Ramkhel Khuaruah Ning Thar Lei Ah Kan Kal A Herh Cang’ ti mi nih kan biakhiahnak a kan bawmchanh hrim lai.

Thil sining a dangte a hun langter mi chung in, Lian Thawng Hnin ṭial mi, ‘Primary Thimnak, Party Ticket Phawtnak le Hmailei Ramkhel Dirhmun Cuanh Chungnak’ siseh, Salai Van Cung Lian nih tial mi, ‘A Ra Lai Mi Hluttaw Nih Zeitindah Fianhlanghnak le Ṭuanvo Laknak An Karhter Khawh Lai?’ tbk. capar ṭhaṭha le Chin Digest ah capar ṭial a kan tial piak zungzaltu Carson Twintiwn ṭial mi ‘Nunphung le Economic’ siseh, Salai K. Chan Hnin Thang nih a ṭial mi ‘NGAIHTHIAMNAK, Mah i Ngaihthiam, Mi Zong Ngaihthiam’ le atulio vawlei cung minthang Yuvul Noah Harari nih a chim mi chung in ṭial mi ‘Miphun Dawtnak Lungput (nationalism) le Lungkhat Phor Lungput (fascism)’ ti mi capar nih kan khuaruahnak tampi a kan bawmchan hrim lai ti mi ruahchannak he,

Editor
Chin Digest Vol. 6, No. 4 (November 2020)

About The Author

Na ruahning rak langhter ve.. (Leave a comment)

%d bloggers like this: