Eihmuarnak ruang ah bia an ceih mi Daw Aung San Suu Gyi lei in Vice President Henry Van Ṭhio nih tette a chim

0

The Chinland Post | 2022 December 12 – Sate Counsellor Daw Aung San Suu Gyi an puh mi eihmuarnak caah Vice President Henry Van Ṭhio nih December 12 biaceih zung ah tette a rak chim tiah biaceih zung he aa naihniam mi sin in thawng theih a si.

Kokek thlichia te thil ṭihnung caah hman ding tiah an chiah mi fund chung in Helicopter a cawk, a hlan tiah SAC nih an puh.

Cu lio caan Helicopter cawk le hlannak ah a biapi bik rian a ngei mi cu Vice President Henry Van Ṭhio a si. Tu ni ah sual an puh mi hna lei in Naypyitaw thong chung ah a rak phan tiah an chim.

2021 February 1 ah hramhram in uknak lak a si lio ah ram hruaitu upa tampi an tlaih hna nain Henry Van Ṭhio cu Vice President dirhmun in a um peng i tlaih a tong lo.

Kum 78 a si cang mi Daw Aung San Suu Gyi cu sual phawtnak 19 an bunh i cu chung ah sual phawtnak 14 caah thong 26 an khiah cang.

About The Author

Na ruahning rak langhter ve.. (Leave a comment)

%d bloggers like this: