England 6-1 Panama: Harry Kane Nih Hat-trick A Ngah I Goal 5 In Tambik Suttu A Si Cang
City Hunter| 2018 June 24| June 24 zan suimilam 6:30 ah Group G in England le Panama nih an chuih i England nih 6-1 in an tei hna. England hmaikal Harry Kane nih hat-trick (goal 3 a sut) a ngah. Tuzan tiang chuihmi tukum World Cup ah goal tambik suttu a hung si cang.
Panama lei in minute 78 ah Felipe Baloy nih goal 1 a sut. England in John Stones nih minute 8 le minute 42 ah goal 2 a sut. Harry Kane nih minute 22 le minute 45 ah penalty in goal 2 a sut, cu hnu ah minute 62 ah goal 1 a sut chap than. Tuzan Panama he an chuih ah goal 3 in hat-trick a ngah. June 24 zan, suimilam 8:30 tiang ah goal tam bik suttu hna cu a tanglei bantuk in an si.
https://www.youtube.com/watch?v=6rsZAPhXbRI
Group G in Tunisia le Panama cu group stage in an tla cang. Cu bantuk in England le Belgium hi group stage in an kai ve cang. June 29 deilei suimilam 12:30 ah England le Belgium an chuih lai i teinak hmutu paoh Group G in pakhatnak an si te lai.
Harry Kane cu tukum world cup ah a pahnihnak hat-trick a ngahmi zaanglekcelhtu a si. A pakhatnak cu Portugal in C. Ronaldo a si. Tukum world cup ah hat-trick a hmasa bik le penalty in goal a sut kho hmasa biktu cu C. Ronaldo a si.
England phu in captain zong a si i an hmaikal zong a simi Harry Kane nih, “Tukum world cup a hmasa bik Tunisia he an chuih hlan deuh ah pumpululh chuih lai kaa ngaih tuk cang. Vawleipi hi zeidah ka tuah khawh timi hmuhsak ding kaa hngak kho ti lo, kaa ngaih tuk cang. 2014 World Cup le Euro 2016 zuamnak ah zohdawh lo in England cawlcanghnak vialte dawhte in remhthannak caah Tunisia he kan chuih ahhin vawleipi theih in zeitluk in dah pumpululh chuih ka thiam timi ka hmuhsak lai” tiah a chim.
Cuti a chim bantuk te in Tunisia he an chuih lio ah Harry Kane nih goal 2 a sut. Tuzan a puai hnihnak Panama he an chuih ah goal 3 tiang a sut. A chimmi a bia bantuk te in atu tiang cu a tlinh khawh taktak.
June 24 zan suimilam 8:30 tiang tukum world cup ah tambik a suttu hna cu;
1. England in Harry Kane- goal 5
2. Belgium in Romelu Lukaku- goal 4
3. Portugal in C. Ronaldo – goal 4
4. Spain in Diego Costa- goal 3
5. Russia in Denis Cheryshev- goal 3 an si.
About The Author
