European Union chungtel si dingin Ukraine President nih a hal
Ukraine President
The Chinland Post | 2022 March 1 – Ukraine President Volodymyr Zelenskyy nih Russia raltuknak a mah tein a ram aa khamhnak cungah European Union chungtel si kho dingah a hleikhun program tang in cohlan colhnak hnga February 28 ah a hal.
“ Kan hmuitinh cu, European kan zaapi tein a biapi bik cu tlukruang te kan si hi a si. Mah hihi a dingfelmi a si cu ka fiang. Ukraine ram hi chungtel si ve dingah kan i tlak ko tiah” muilang in mipi sin a biachimnak ah a telh.
Zelenskyy i ruahnak cheutu pa zong nih Russia le Belarus ralkap pawl le riansang a tlaimi pawl nih Putin nawl ngai loin a sungpek dingin February 27 ah a nawl hna.
“Nikhat nihnih chungah kahdohnak chungah nan thi dih ko lai cu theih a si. Nan ralbawi hna nih satlang bantukin an in hman hna. Hriamnam chiah cu ningzah awk thil a si lo. A tu bantuk caan ah, a sungpek cu ralkap caah limhang ṭha tein a ngeih a si tiah ka hmuh. Culawng si loin, raltuk-duhlonak lam in nan nunnak caah a har bikmi thimnak nan tuah a si” tiah President ruahnak cheutu Olec Arestovich nih a chim.
Russia ralkap tampi cu hriamnam chiah a sungpek dingin Ukraine mipi hna he hnatlaknak an ngei cang tiah a chim chap.
Ref: DVB
About The Author
