Evan Lal Biak Lar Thong 43 Thlakmi Cu Kum 17 An Thumhpiak Ruangah Duhlonak An Langhter

Salai Bawi Lian Sang| TCP-Kalay| August 26,2020| Kumtlinglo ngakchia pahnih tlaihhremnak case (ahmuh) ruangah Kalay baiceih zung nih thong kum 43 thlakmi Evan Lal Biak Lar@ Lai Boih cu Sagaing ramthen biaceihzung nih kum 17 an thumhpiak ruangah Kalay hrambunhzatlang phu nih August 26,2020 zing 9:00duhlonak cu Tahan, Nayciateih hmai ah an tuah.

“Evan Lal Biak Lar i sihni nih cun A yu-khan an tuah than ca ah Naypyidaw in ngakchia pahnih hna zong auh than an si. Hi bantuk in thil a can tik ah kanmah phu leikap nih Ramthen Biaceih Zung sin ah an duh lonak kong, thong 43 an tlakding micu kum 17 an thumhpiak ruangah Kalay zatlangphu Dingdiphu, Women for Justice, hruainak in duhlonak kan langhtermi a si” tiah Kalay hrambunh Upper Chindwin Youth Network hruaitu Ko Kyaw Thet Win nih a Facebook ah a tial.

Evan. Lal Biak Lar (Kalay peng, nitlakchaklei Letpanchawng khua) ah a liamcia kum ah Falam in Letpanchawng an inn ah a um mi Mai…kum 15 le Mai…. kum 14 hna cu 2018 April thla ah a tlaihhrem hna tiah tlaihhrem a tong mi ngakchia hna i chungkhar nih 2018 April 13 ah taza an rak cuai i Kalay Pengkomh Biaceih Zung nih 2019 January 19 ah kum 43 thong tla ding in biakhiahnak an rak tuah hi a si.