Evangelist Lal Biak Lar @Lal Boih Cu Thong Kum 43 Thlak Ding In Bia An Khiahpiak Cang

0

TCP-Hakha| 2019 January 16| Nu ngakchia pahnih tlaihhremnak case (ahmuh) in Evan. Lal Biak Lar @Lar Boih cu Kalay pengkomh biaceih zung nih nihin (January 16) zanlei ah thong kum 43 thlak ding in bia an khiahpiak cang.

Lar Boih cu pohmah 376 in a dangte cio in case an hun caah case pakhat ah thong kum 20 cio in bia an khiahpiak i, pohmah 506 (tlerhkhonhnak case) caah thong kum hnih le pohmah 323 (fahnak pek case) caah thong kumkhat, a zapi thong kum 43 tla ding in bia an khiahpiak cang.

Lal Boih

Evan. Lar Boih cu Falam peng in anmah an inn Kalay peng Letpanchaung khua ah khua a sami Mai… (kum 15) cu 2015 June thla ah siseh, Mai… (kum 14) cu 2018 April thla ah siseh a tlaihhrem hna tiin 2018 April 13 ah ngakchia pahnih hringtu nu le pa hna nih Tahan palek sakhaan ah 2018 April 13 ah case (ahmuh) an hun.

Cu ruang ah 2018 May 11 ah Kalay pengkomh biaceih zung nih yazatatgyi upadi pohmah 376 (tlaihhrem case), 323 (fahnak pek case), 506 (tlerhkhonh case), 376/511 (tlaihhrem ding in thazaang chuahnak case) in taza an cuai.

Ref: Zalen

About The Author

Na ruahning rak langhter ve.. (Leave a comment)

%d bloggers like this: