Facebook Nih Kawlram Ralkap Ngeihmi Facebook Page le Account A Phih Dih
TCP Online: 2018 August 27| Facebook nih Kawlram ralkap bawizik Sr. General Min Aung Hlaing le ralkap nih an ngeihmi Myawaddy TV Facebook Pages telh in ralkap nih ngeihmi Facebook Pages dihlak 52 le pumpak Facebook accounts 18 cu nihin August 27, 2018 ah a phihpiak hna tiah kan theih.
Hi a phihmi hi Kawlram ah a ummi Facebook Pages le Account lawngte an si i Sr. General Min Aung Hlaing le Myawaddy TV Facebook Pages hna cu minung million 12 tluk nih LIKE tuahmi le Follow tuahmi an si.
Facebook nih thawng a thanhnak ah Kawlram chung ah tlangcungmi (abik in Rohingya kong ah) a hman lomi thawngpang an thanh ruang ah le mibu huatnak a chuah pimi ca an tial caah atu bantuk in kan phihnak hi a si tiah an ti.
Cun Kawlram chung thiamthiam in ningcang lo le a deuh in tuahmi Facebook Pages 46 le pumpak Account 12 zong an phihpiak rih hna.
Facebook nih thawng a thanhmi ah UN Human Rights Council nih hi ralkap nih ngeihmi Facebook hna cu nuhrin covo an buartu an sinak tehte an hmuh caah a si. Cu pin ah hmailei ah Kawlram chung ah tlangcungmi he remhlo nak a karhnak ding le biaknak kar huatnak a karhding khenkham a herh caah atu bantuk in phihpiak nak kan tuah hi a si tiah Facebook Website ah an tial.
Ralkap he aa pehtlaimi Facebook Pages le Account hna cu Facebook nih an phihpiak hna nain a chung i ca an tialmi le a ummi paoh cu hrawhpiak lo in an fimpiak rih ko hna.
Source: https://newsroom.fb.com/news/2018/08/removing-myanmar-officials/
About The Author
