Falam ah Inn (6) A Kang_Minung (2) An Thi

Salai David Van|TCP-Hakha| 2021 January 12| Chin Ramkulh Falam Khuapi, Falam lamsung pawng Shwechaindeih Gate inntlang cu January 12, 2020 Zing sml 3:30 tluk ah Inn 6 kanghuhnak a chuak i minung Pahnih nunnak a liam tiah theih a si.

“Zeitik dah inn a kang tihi theih a si rihlo. Meithat tu lei le Palek lei nih an hlat cuahmah lio a si. Utlak in Inn taktak a kangmi hi inn (5) a si. Aa pehmi Coka a kanghmi he inn (6) kan tinak cu a si. A thimi hi Falam Baptist Church in Pastor Mang Hlei Zing (kum 70) le Nu Rah Zing (Kum 52) an si” tiah a kangh lio a hmu mi Salai Cung Bik Thang nih The Chinland Post ah a chim.

A kangmi Inn ngeitu pawl hi Pu Kim Sii Inn, Pu Zaw Thun Inn, Pi Mang Hlei Zing Inn, Nu Pen Inn, Pu Biak Vum Inn le Sayamah Thiam Te Inn hna an si tiah theih a si. Inn pawngkam irunvennak caah Pu Tawi Te Inn, Pu Kaw Lian Pum Dawr, Pu Cinn Te Inn, Rev. Dr Phun Hram Awi Inn pawl an thehpiak hna tiah theih a si.

Hakha Khuathar zong January 10 zan ah inn (3) a kang i U Tan Win a thi tiah kan theih.