Falam ah nu pakhat nih bomrap aa lamh sual caah a ke khatlei a sung
The Chinland Post | 2023 February 20 — Chin ramkulh, Falam peng, Satawm khuate pawng February 18 zaanlei sml 5:00pm hrawng ah Chin miphun nu pakhat bomrap aa lamh sual caah a orhlei ke a sung tiah thawng theih a si.
Bomrap lamh sualnak ruang ah aa hliam mi hi India-Myanmar ramri Zokhawthar ah a ṭhudir mi Pi Laltanpui (kum 26) a si Falam peng, Leilet khuate ah a um mi an pa sin a kal lio Satawm khua pawng ah bomrap aa lamh sual hi a si tiah theih a si.
Pi Laltanpui cu a vapa naupa he Zawkhuathar in Leilet khua lei ah cycle in an kal i Satawm khua phak lai lamkam ah zunnte kal aa timh lio ah a lamh sual hi a si tiah theih a si.
SAC nih Chin ramkulh ah vanlei le vawlei lei he kahdohnak a tuah lio ah bomrap zong hi mipi caah thinphan ṭihnung a si.
