Falam-Hakha lamcung ah kahdohnak pehzulh in a fak
The Chinland Post | 2022 July 11 – Chin ramkulh, Falam-Hakha lamcung ah kahdohnak pehzulh in a fak i SAC ralkap a thimi an tam tiah theih a si.
Hakha-Falam lamcung kahdohnak hi July 8 in aa thok cang.
“Falam-Hakha lamcung kahdohnak hi a tlawmbik voi 6 a chuak cang lai. Tuni zong ramthlo khua pawng hmun 2 ah kahdohnak a um. Kahdohnak hi a fak chin thluahmah” tiah khuami pakhat nih People’s Spring ah a chim.
July 8 ah kahdohnak voi 3 a chuak i avoikhatnak kahdohnak ah ralkap 13 an thi, a voihnihnak kahdohnak ah 2 le a voithumnak ah 5 an thi tiah a chim.
Tlangzaar pawng, July 10 ah kahdohnak aa peh i SAC ralkap 4 an thi, CNA 2 hliamhma an tuar tiah theih a si. Tuni kahdohnak zongah SAC ralkap a thimi an tam tiah theih a si.
Falam in Hakha ah thazang 200 leng in a rak kaimi SAC ralkap pawl cu CNDF, CNA le CDF phufonh hna nih an kah lengmang hna hi a si.
About The Author
