Falam-Hakha lamcung kahdohnak aa peh, SAC ralkap 4 an thi

The Chinland Post | 2022 July 11 – Falam le Hakha karlak lamcung, July 10 ah kahdohnak aa peh ṭhan i SAC ralkap 4 an thi tiah The Chin Journal nih a langhter.

SAC ralkap 200 leng cu July zarhnihnak ah Falam in Hakha lei ah an kai i CDF, CNA le CNDF nih an ratnak thluangthluan an kah hna hi a si.

July 10 zaanlei, Ramthlo khua kahdohnak ah SAC ralkap 4 an thi i Ramthlo khua phak hlan Tlangzaar khuapawng kahdohnak ah CNA ralkap 2 an i hliam tiah theih a si.

Cun July 8 kahdohnak zongah SAC ralkap 20 hrawng an thi tiah theih a si.

Kahdohnak ruangah SAC nih Falam-Hakha lamcung khuate inn pawl a khangh i Taal khuate hna cu inn 5 lawng a tang tiah theih a si.

Na ruahning rak langhter ve.. (Leave a comment)

%d bloggers like this: