Falam khua ah CDM siangcachim 2 SAC nih an tlaih hna i ni 5 a rauh tiang thlah an si rih lo
The Chinland Post | 2022 June 9 – Chin ramkulh, Falam khuachung ah a ummi CDM siangcachim Suh Kan Thang le Middle class cachimtu Vai Sui hna cu an umnak inn ah SAC nih June 3 ah an tlaih hna i June 8 tiang an thlah rih hna lo tiah theih a si.
An tlaihmi hna siangcachim 2 hi Falam khua No.1 B.E.H.S in CDM a tuahmi an si.
No.2 B.E.H.S siangcachim 5 lawng an um i khuate lei in siangcachim pawl khuapi ah ratter in rian an khinh hnik hna tiah thawngpang theih a si. Falam khuachung ah sianginn a apmi 400 hrawng an um i 300 hrawng an kai tiah theih a si.
Tedim khua CDM siangcachim 2 zong a luancia zarh ah SAC nih an tlaih ve hna tiah theih a si.
About The Author
