Falam khua ah inn 3 a kaang, ralhrang nih khanghmi a si tiah ruahdamh a si
The Chinland Post | 2022 March 7 – Chin ramkulh, Falam khua Lampa sang ah zaanṭim sml 12:00am hrawngah inn 3 a kangh caah khuami hna nih ralhrang nih an khangh ko lai tiah ruahdamh a si.
March 6 zaan ah, mi ṭha lo cheukhat nih hmun 3 ah inn khang dingin an i tim tiah Falam thawngzamh pakhat nih a ṭial.
“Nizaan hmun 3 ah inn khangh an timh tiah thawng a than tlawmpal ah a tu bantuk in inn 3 a kangh hi a si. Ralhrang nih an khangh tiah thawng a leng” tiah Falam khuami pakhat nih The Chinland Post ah a chim.
March 5 zaanlei zongah cycle aa citmi cheukhat nih datsi palang in inn an cheh i khangh an i tim nain khuami nih an hmih manh tiah thawng theih a si.
About The Author
