Falam khua ah tlaih a tong mi minung 5 an luat cang
The Chinland Post | 2023 February 16 — A luancia January 18 ah CNA nih Falam khuachung ah kahdohnak an tuah hnu ah tlaih a tong mi hna chung in a taang mi 5 cu February 16 ah an thlah cang hna tiah theih a si.
An thlah mi hna hi Salai Ngun Sui Thang, Pu Tin Hmung, Pi Ram Nuam, Pi Naing Kap Par le Salai Hrang Lian Awi hna an si tiah theih a si.
Falam khua January 18 zaanlei ah CNA le SAC kuttang palek karlak ah kahdohnak a chuah hnu in sang chung mi 25 SAC ralkap nih an rak tlaih hna i a zaanlei ah a thla lawng a si rih mi fa a ngei mi nu an rak thlah i January 19 zaan ah adang 18 zong an rak thlah ṭhan hna.
