Falam Khua NLD Zung Thar An Hun; Khuami Nih Thil Phun 16 An Hal

TCP-Thantlang| 2018 November 8| Falam khua ah National League for Democracy (NLD) zung thar hunnak cu November 7 ah Chin ramkulh Chief Minister Salai Lian Luai tel in Minister dangdang zong nih an tel pi hna. Falam mizapi he ton biaruahnak an ngei i khuami nih khua thanchonak caah thil phun 16 an hal hna tiah kan theih.

Hi zungthar hunnak ah Rev Dr. Joel Za Hlei Kap nih thlacamnak a ngeih hnu ah Kawlram thantar upatnak pek dih in CM Salai Lian Luai, Hluttaw Speaker Pu Zo Bawi nih ribon an tan. Hi NLD zung thar cu 2017 December 6 in sak rak thokmi a si i Falam Cherry Company nih sing 500 tluk dih in an sak mi inn a si.

Mah zung hunnak tuah pah in CM Salai Lian Luai le a hawile hna cu Falam khuami hna he ton biaruahnak an ngei i Falam khuanu/pa lei nih khua thanchonak kongah thil phun 16 an hal hna tiah theih a si.

Thil phun 16 chungah a bik in an halmi hna cu sangkhat le sang khat karlak khuachung lam kat-ta-ya phahpiak ding, lam a bitnak deuh cu motor (Jeep) kal khawhnak ding in kauhpiak ding, minung kalnak lam cheukhat zong motor cycle kal khawhnak dingin kauhpiak ding le Falam Town Hall inn pi cu a thar in dot thum sang in sakpiak ding tibantuk pawl cu CM Salai Lian Luai le a riantuan hawile Minister dang sin ah an hal hna tiah theih a si.
Ref: Chinland Herald, iprd Falam

Na ruahning rak langhter ve.. (Leave a comment)

%d bloggers like this: