Falam Khuanu Khuapa Ah Ramkhel Party Le Biaknak Lei Upa Tel Dingin An Fehter
Falam Khuanu Khuapa (2018-2020) term 2019 kum dih General Meeting cu September 14, 2019 USDP Party zung, Falam ah an tuah i phunglam le thimnak an ngei tiah theih a si.
“Phunglam bylaw kan rak ngeimi ah ramkhel party le biaknak lei riantuanupa hna cu itel hlah she timi kha zalongte in itel than dingin kan remh than. Cucaah cu ramkhel party minung, biaknak minung tiin a um ti lai lo. Caantling in riantuan mi kan si lo tikah ah Khuanu Khuapa a ummi dihlak hi Party pakhat khat ah aa telcia mi lawngte kan si ko caah tel than si ko she kan tinak a si” tiahFalam Khuanu Khuapa Vice Chairman PuZung Bawi Pum nih The Chinland Post ah a chim.
Falam Khuanu Khuapa cawlcanghnak ah Party minung an itel mi nih bu thit hruainak kong ah “ramkhel upa hna, biaknak lei upa hna zongi tel ko hna she tiah kan ti. Ahlan zong Party minung lawngte aa tel mi in kan ihruai ko I buaibainak a um lai lo. Thanchonak lei caah Ramkulh Cozah biaruahkhawhnak caah kanihmaitlaktawnmi a si ko. Chin ramkulh Khuanu Khuapa hmanh thate in dir kho cang usih law kan herhbau kip Cozah sin chimphuannak hmanh ngeipeng usih law a tha” tiah a biapeh ah a chim.
Chin ramkulh huap Khuanu Khuapa Tonnak cu November 27-28, 2018 Hakha ah tonnak rak tuah a si i 2019 Bupi tonnak ngei kho ding in Pengkip Khuanu Khuapa aiawh hruaitu pakhat cio le hruaitu lutlai ah Pu Ral Kham thim tiah theih a si.
Falam Khuanu Khuapa hi 2000 kum Ralkap chan ah ralkap Cozah nih rak dirhtermi a si i 2011 tiang cu RalkapCozah nih an thimmi minung nih hruai a rak si. 2011 Zaukphung Cozah a kai hnu in mahte in ithim a si i Falam sang(4) a ummi ah ai-awh tupa lai minung 20 cio an ithlah i Kum hnih dan ah voikhat Falam Khuanu Khuapa hruaitu thim a si tiah theih a si.
About The Author
