Falam Khuanu Khuapa ah Ramkhel Party le Biaknak lei Upa Telve dingin Fehter

0

Falam Khuanu Khuapa/ Rev. Biakcawm Fb

Salai Josephbawi| 2019 September 16| Falam Khuanu Khuapa (2018-2020) term 2019 kum dih General Meeting cu September 14, 2019 USDP Party zung, Falam ah an tuah i phunglam le thimnak an ngei tiah theih a si.

“Phunglam bylaw kan rak ngeimi ah ramkhel party le biaknak lei riantuan upa hna cu itel hlah seh timi kha zalong tein itel than dingin kan remh than. Cucaah cu ramkhel party minung, biaknak minung tiin a um ti lai lo. Caantling in riantuanmi kan si lo tikah ah Khuanu Khuapa a ummi dihlak hi Party pakhatkhat ah aa telcia mi lawngte kan si ko caah tel than si ko seh kan tinak a si” tiah Falam Khuanu Khuapa Vice Chairman Pu Zung Bawi Pum nih The Chinland Post ah a chim.

Falam Khuanua Khuapa cawlcanghnak ah Party minung an itelmi nih bu thithruainak kongah “ ramkhel upa hna, biaknak lei upa hna zong itel ko hna seh tiah kan ti. Ahlan zong Party minung lawngte aa telmi in kan ihruai ko, thanchonak lei deuh kan chimrel mi a si caah buaibainak a um bal lo. Thanchonak lei caah Ramkulh Cozah biaruah khawhnak caah kan ihmaitlak tawnmi a si ko. Chin ramkulh Khuanu Khuapa hmanh tha tein dirkho cang usih law kan herhbau kip Cozah sin chimphuannak hmanh ngei peng usihlaw a tha” tiah abiapeh ah a chim.

Chin Elders’ Community Workshop Nov.27-29, 2019

Chin ramkulh huap Khuanu Khuapa Tonnak cu November 27-28, 2018 Hakha ah tonnak rak tuah a si i 2019 Bupi tonnak ngei kho dingin Pengkip Khuanu Khuapa aiawh hruaitu pakhat cio le hruaitu lutlai ah Pu Ral Kham thim tiah theih a si. Chin ramkulh a huapmi Khuanu Khuapa dirh khawhnak ding, Khuanu Khuapa ah nu itel khawhnak ding le Cozah riantuannak ah a herhning rianbawmhding le ruahnak pek ding timtuahnak an ngei tiah theih a si.

Falam Khuanu Khuapa hi 2000 kum Ralkap chan ah ralkap Cozah nih rak dirhtermi a si I 2011 tiang cu Ralkap Cozah nih an thimmi minung nih hruai a rak si. 2011 Zauk phung Cozah a kai hnu in mah te in ithim a si i Falam sang(4) a ummi ah ai-awhtu palai minung 20 cio an ithlah i Kumhnih dan ah voikhat Falam Khuanu Khuapa hruaitu thim a si tiah theih a si.

Chin Ramkulh Khuanu Khuapa Tonkhawmnak

 

About The Author

Na ruahning rak langhter ve.. (Leave a comment)

%d bloggers like this: