Falam le Hakha Karlak Kahdohnak Ah SAC Ralkap 7 An Thi Chap

0

The Chinland Post | 2023 April 3 — Chin ramkulh, Hakha khua ah eidin, hriam le thazang chap ding in a kal mi SAC ralkap mawṭaw cu Hakha le Fam karlak ah an kah ṭhan hna i 7 an thi tiah CNF biachimnak nawl a ngeitu Salai Htet Ni nih People’s Spring ah a chim.

“April 2 zinglei sml 8:00am hrawng ah Hakha lei an kal mi SAC ralkap le mipi hriamtlai phufonh hna karlak ah kahdohnak a chuak ṭhan. Kahdohnak chung in anmah lei 7 an thi. Pehzulh in kahdohnak a chuak rih ko lai” tiah a chim.

Hakha lei a kal mi SAC ralkap mawṭaw chung ah Tank 2 telh in mawṭaw 30 hrawng aa tel i an kalnak Kalay-Falam-Hakha lamtluan ah mipi hriamtlai hna nih voi tampi an kah hna caah atu le atu an tap.

“Anmah lei in a thi mi le aa hliam mi an tam ngai cang. Asinain an mawṭaw pawl hi pakhat hnih hrawng lawng kan khen khawh” tiah Salai Htet Ni nih a chim.

SAC ralkap pawl hi Hakha hrambunh LIB 266 ah phak ding in kal an i timh mi a si bantuk in CNA telh in CDF phufonh nih kan kah rih ko hna lai tiah Salai Htet Ni nih a chim.

About The Author

Na ruahning rak langhter ve.. (Leave a comment)

%d bloggers like this: