Falam le Hakha Karlak Kahdohnak Ah SAC Ralkap mawṭaw 7 An Hrawh Khawh
The Chinland Post | 2023 April 6 — Chin ramkulh, Hakha hrambunh 266 ah thazang chap ding in a kal mi SAC ralkap mawṭaw pawl cu April 5 ah CNA le CDF phufonh nih an kah hna i mawṭaw 7 a rawk cang, SAC ralkap a thi mi zong an tam tiah CNA biachimnak nawl a ngeitu Salai Htet Ni nih The Irrawaddy Burmese ah a chim.
“Nizaan kahdohnak ah Drone in an mawṭaw pawl bom kan thlak hnawh hna. Sniper in kan kah hna. Bomrap zong kan puah hnawh hna. An mawṭaw 7 a rawk. SAC ralkap 10 hrawng an thi, 5 an i hliam. Tuni hi cu hmai an fong kho rih lo. A rawk mi mawṭaw pawl kha an remh” tiah a chim.
Kahdohnak chung CNA 2 an i hliam tiah Salai Htet Ni nih a chim.