Falam peng ah SAC nih pum tlamtling lo minung 2 an thah hna
The Chinland Post | 2022 June 4 – Chin ramkulh, Falam peng ah SAC ralkap nih pum tlamtling lo minung 2 an thah hna tiah theih a si.
Kalay in Falam lei ah a rak kaimi SAC ralkap pawl cu Kalay-Falam lamcung ah a ummi Va Lung khuami tarnu (Kum 63) Pi Tial Kap cu June 30 ah meithal in an kah i July 3 lawngah khuami hna nih a ruak an hmuh tiah theih a si.
Mawṭaw 20 leng in a rak kaimi SAC ralkap pawl cu June 30 ah Va Lung khua ah an it i Falam lei an rat ṭhan hnu ah meithal hma he a thimi Pi Tial Kap ruak cu ramlak ah khuami hna nih an hmuh hi a si.
June 2 zongah Falam peng Hlawng Zawl khuami Vum Lian Thang (a tai tang a thimi) cu SAC ralkap nih hnulei kutsih in hri an hren hnu ah an thah tiah theih a si.
