Falam peng kahdohnak ah CNDF pasal ṭha pakhat a nunnak a liam
The Chinland Post | 2022 March 17 – Kalay peng, Hakhalay khua pawngah 2022 March 12 ah SAC ralkap le CNDF, PDF-Kalay phufonh hna karlak ah kahdohnak a chuak i SAC ralkap 3 an thi i mipi hriamtlai pakhat aa hliam tiah Chin National Organization (CNO) nih a thanh.
Chin ramkulh, Falam peng, Rihkhawdar khua No.1 sang ah umnak a khuarmi SAC ralkap le CNDF cu March 17 zinglei ah kahdohnak a chuak ṭhan i CNDF pasal ṭha pakhat nih ram le miphun caah a nunnak a pek. SAC ralkap pa zeizah an thih timi bal a fiangin theih khawh a si rih lo tiah thawng a thanh.
CNDF in a nunnak a liammi mipi hiamtlai hi Salai Lal Ro Pui @ Puia (kum-23) a si tiah theih a si.
About The Author
