Falam Peng No. 2 Var Hlei Thar Onnak October Thla Dih An Tuah Lai

Salai Bawi Lian Sang| TCP-Kalay| October 15, 2020|Kalay-Falam-Hakha lam um Manipura (Var) tiva donhhlei No. 2 Varhlei cu July 7, 2018 ni thok in tuanvo ngei tu hna nih sak hram an rak thok.

Mah No. 2 Var donghhlei onnak ni le caan cu Myanmar rampi President(2) le Chinram cozah lutlai hnatlaknak in October 27,2020 ni ah onnak puai tuah ding in timhtuah a si.

“Var hlei pahnih an um. Hleithar le Hlei hlun an um caah mipi caah umkalnak a thathnem tuk. Nihin ah Fur, thal, ruahti tam can zeitik poah ah umkalnak kong lungre theih a si ti lo. A ruang cu Tedim peng, Falam, Hakha, Thantlang le Rih pengchung ummi mipi ei din kong ah kalaymyo lei in phorh le cawk a si. Fur can ah mah donghlei umnak tiva pi a liam tuk hnga maw tiah lungrethei thinphangnak cu a tu ah a um ti lai lo” tiah Chin Chief Minister Pu Salai Lian Luai nih a chim.

No.2 Var donghhlei hi a sau pe 557.77, a kau pe 30 a si. Tiva ti in a san pe 9.843 a si mi thil hlei concrete phun a si i kyat 4050 million dih in sak mi a si.

No. 1 hlei hlun hi (2015) kum Koman thlichia hrang ruang ah Manipur tiva a liam I hlei khar chung a si bal. Tiva ti a tam deuh poah ah Var donghlei cu thinphang a si I Kalay-Falam lampi phitnak a chuak kho caah mah No. 2 Var donghlei an sak thannak a si tiah thawng kan theih.

IPRD/Falam