Falam peng, Parte khua biakinn le inn pahnih khanghpiak a si
The Chinland Post | 2022 May 13 – Chin ramkulh, Falam peng, Falam-Kalay lam cungah a ummi Parte khua JCC biakinn le mipi inn 2 cu May 10 ah SAC ralkap nih an khangh tiah khuami hna nih RFA ah an chim.
May 10 zinglei ah SAC ralkap pawl nih Falam khua an ummnak tlang in Parte khua lei ah hriamngan in an rak kah hnu a zaanlei ah mahka khua cu a tu bantuk in an khangh hi a si tiah khuami hna nih an chim.
Kan hnuzarh chungah SAC ralkap mawṭaw thluan cu lam cungah CDF nih bom an puah hnawh hna caah a thimi an rak tam.
May 3, Hakha khua in aa rak thawhmi SAC ralkap mawṭaw thluan cu Hakha-Falam karlak ah inn 20 leng an khangh ruangah a pawngkam khua 6 in khuami hna cu ramlak ah an rak zaam tiah theih a si.
Ref: RFA
