Falam Sii-inn Ah September Thla In Kal Tawlnak Seh An Chiah Ve Lai

Salai Elvis| 2019 July 24| Yangon le Mandalay kal hau ti lo in ihkhun 200 tlum a simi Falam sii-inn ah a ralaimi September thla in Kal tawlnak seh an chiah ve cang lai tiah kan theih.

July 18, Pyithu Hluttaw avoi 13nak caanhman tonpumhnak hmun ah Falam Hluttaw palai Dr.Salai Riang Vel nih, ‘Falam sii-inn ah Kal tawlnak seh, Specialist Medicine, Siibawi bawmtu dangdang hna cu a thar chiahpiak ding in timhtuahnak nan ngei maw? ngei lo? timi biahalnak a tuahmi cu ngandamnak ramkomh vuanci Dr. Myint Thwe nih a tubantuk in bialehnak a tuah hi a si.

“Ramkomh huap in ihkhun 200 tlum ah Special siibawi 17 cu hmundang dang zongah tling tein chiahpiak khawh an si lonak, a herh ning in chiah an sinak, a tu Falam sii-inn ah siibawi a bawmtu ming 68 chiah ding an si ko nain, a ning tein chiahpiak khawh nan si rih lonak, hmun dang ihkhun 300, 400 le 500 tlum zong ah mah bantuk thiam an sinak, Cucaah Falam sii-inn cu mizaw hna zohchun in le hmunhma zoh chih in papek a  si nak kong” bialehnak a tuah.

“Cucaah, 2019 June 6 ah Specialist Medicine cu rian pek an si cang nak, siibawi bawmtu minung 10 zong March 1 ni thawngthanh hnu ah rian an tuan cang nak kong, cun Kal tawlnak seh nan herhmi zong sing 145 man cu 2017 December thla ah khan pek nan si cang nain, cu lio ah cun Electric mei a um rih lo caah Generator he aa ton sual ah cun sing 145 cu pakpalawng ah a can lai nak kong, cu pin ah cu kum lila ah cun cu thilri chiahnak hmunhma caah inn sak zong aa lim rih lo nak kong, A tu ah cun mei zong a tha, inn zong aa lim cang nian RO timi a um rih lo caah Reverse Osmosis Slender Tube zong a herh rih caah cu thilri cu sing 400 renglo in cawk a si cangnak kong, 2018-2019 budget kum ah Tender zong auh a si cang nak le a ralaimi September thla dih hlan ah Falam a phanh lai nak kong le Kal tawlnak kong ah Yangon le Mandalay kal a hauh ti lai lonak kong” Dr. Myint Thwe nih bialehnak a tuah.

Na ruahning rak langhter ve.. (Leave a comment)

%d bloggers like this: