Falam Surbung Vanlawngbual Ah Minung (70) phur ART 72 Vanlawng A Tum
Salai Bawi Lian Sang| October 28, 2020| Falam peng Surbung Valawngbual ah ART 72 vanlawng phun cu October 27, zing 10:30 ni ah Chinram kulh chung avoikhatnak vanlawng a tum hmasa bik asi.
A tu ART 72 vanlawng hi minung 70 a phur kho mi a si i Myanmar ram nih (10) an ngeih mi a si. Vanlawngmawng (Pilot) minung 9 le Vanlawngcong ngaknu (Layzin-may) 3 nih an zulh hna.
Myanmar ramkomh cozah fund kyat/25 billion leng dih in ser cuahmah liomi vawnlawngbual cu 2015 kum U Thein Sein (USDP) chan lio ah an rak sak mi cu 2020 kum ah an lim.
Surbung tlang vanlawngbual hi kyat/25 billion dih ding in an rak sak mi a si. A tutiang ah kyat/ 2900 million hman a si cang. Vanlawng tliknak lam a sau pe 6,000 le a kauh pe 100 in an tuah. Cun, a rih/zan 50,000 pound a simi ART-72 vanlawng pawl tum kho ding tiang in an rak sakmi a si.