February Thla Chung KNU Brigade 5 Hmunhma Kahdohnak Ah SAC Ralbawi Telh In 70 Hrawng An Thi
The Chinland Post | 2023 March 7 — KNU Brigade 5 hmunhma i February thla chung ah kahdohnak voi 170 leng a chuak i SAC ralkap le BGF lei in 69 an thi i 49 an i hliam tiah Brigade 5 nih a thanh.
SAC ralkap lei in a thi mi chung ah bo 1 bawi, Corporal le Lt. Corporal hna an i tel tiah theih a si.
Cun February 25 ah KNLA, PDF, FFD phufonh nih KNU Brigade 5 hmunhma ah a um mi SAC ralkap le BGF nih hmunhma an khuarnak sakhaan 1 zong an lak khawh tiah BPLA nih a thanh.
Thlakhat chung kahdohnak ah KNU Brigade 5 lei in KNLA ralkap 2 an nunnak a liam i 3 an i hliam tiah theih a si.
SAC nih mipi umnak hmunhma pawl ah kahdohnak vanlawng in voi 7 a doh i bom lung 44 a thlak tiah theih a si. Cun, SAC ralkap pawl kah mi hriamngan ruang ah mipi 3 an nunnak a liam tiah an langhter.
SAC ralkap ruang ah mipi inn 36 a rawk, mawṭaw 1, cycle, facang rialnak seh, lei thuannak seh hna a rawk tiah theih a si.
About The Author
