Febuary 20 Ni Thantlang Dawrkhan le Zuu Dawr Vialte An Kharter Dih Hna
Salai Elvis| 2019 February 20| 2019 February 20, Chin Miphun Ni ah Thantlang khuachung Zuu dawr le Dawrkhan vialte tuanvo ngeitu hna nih an kharter dih hna tiah kan theih.
Chin Miphun Ni cu kan nisunglawi zong a si i kan sunlawih ding a si pin ah hi kan miphun ni ah Zuu ri le buaibai um hlah seh ti duh ah a tubantuk in an kharter hna hi a si.
“Zuu dawr kip ah penguk zung nih Chin Miphun Ni chung paoh Zuu zuar lo dingin ca a chuah i an pek dih hna. Aruang cu zuu ri buaibai um hlah seh ti ruangah a si ko” tiah sangthen No.2 khuabawi Val Hlei Thang nih TCP ah a chim.
Dawr ngeitu hna zong nih lungtlingte in an khar cio tiah kan theih.
Zuu dawr si lo in thilpuan le eidin dawr paoh cu chun suimilam 12:00 hnu in dawr on khawh a si lai. Atu bantuk in penguk zung le tuanvo ngeitu hna nih a luancia 2018 kum dih lai ah Zarhpi ni zongah Zuu zuar lo ding in an rak kham i rian zong an peh zulh peng rih tiah kan theih.
Biakilh: Hmanthlak hi tu zingka ah thlakmi a si/Photo: The Chinland Post
About The Author
