Fimcawnnak Zung Nih Thlaruk Chung Budget Caah Nuaithong 800 An Hal
Aung Aung| 2018 January 18| 2018 April 1 in September 30 tiang thla ruk chung hman ding ah Fimcawnnak ministry zung nih nuaithong 800 (800 billion) hmannak nawl pek dingin ramkomh hluttaw tonpumhnak ah an hal.
Cawnnak lei lam kau deuh hun piak khawhnak ding le quality a ngeimi fimcawnnak atak in kan tuah khawhnak ding ah budget hi zat kan hal hi a si tiah rampi fimcawnnak minister Dr. Myo Thein Gyi nih hluttaw ah a chim.
“Fimcawnnak zunglei kap in Cawnnak lei lam kau deuh hunpiak khawhnak ding le quality a ngeimi fimcawnnak atak in kan tuah khawhnak ding ah ramkomh tangka hmannak he aa pehtlai mi upadi ahran ah a dih lak 807.146552MMK hi ningcang lei theipar chuak lak tein kan hman lai caah ramkomh hluttaw nih hman nak nawl nan kan pek nak lai upatnak he kan hal hna” tiah Hluttaw ah cun halnak a tuah.
Cun Ngandamnak le Zaanglek celhnak zung minister Dr. Myint Htwe zong nih thla ruk chung hman ding budget ah nuaithong 400 leng a hal ve.
Asinain hi ministry zung pahnih nih an hal mi hi a pahnih fonh ah nuaithong 1330 lawng a si caah a tlawm rih timi hmuh khawh a si.
2018 April in September tiang thlaruk chung hman ding mi ah ruah chung mi cu nuaithong 2200 dengmang a si caah an hman ding le an hal mi ah aa duh ngaingai rih tiah Budget and Planning Minister U Kyaw Win nih a chim. Ref: RFA Burmese
About The Author
