Free Methodist Le Chuncung Cu Semi Final An Kai Cang

City Hunter| 2018 June 4| May 22 in thawkmi Hakha Khrihfabu kip (town churches) pumpululh chuih zuamnak cu atu hi quarter final an chuih cuahmah lio a si. Free Methodist Church (FMC) le Chuncung cu semi final an kai cang tiah kan theih.

June 4 chun, Quarter final ah FMC le RC an chuih i FMC nih 4-0 in an tei hna. A puai hnihnak ah Chuncung le UPC an chuih i Chungcung nih 5-1 in an tei hna. Cucaah, FMC le Chuncung cu semi final an kai cang.

June 5 khi suimilam 1:00pm ah Senthang Baptist Church (SBC) le Believer Myanmar Church (BCM) an chuih lai. Cun, suimilam 3:00pm ah Calvary le Gospel an chuih lai. A awngmi phu hnih kha semi final an kai ve lai.

Semi final cu June 7 ah an chuih lai i final cu June 9, suimilam 2:00pm ah an chuih te lai.

Tutan pumpululh chuih ah aa tel khomi zapi phu 15 an si. Hakha Town Churches Pumpululh zuamnak cu Chin ramkulh zaanglekcelhnak zung nih bawmhnak pek asi i khrifabu a chuakmi paoh singkhat (ks. 100,000) cio bawmhnak pek a si. Hi pumpululh chuih zuamnak cu Chin ramkulh zaanglekcelhnak zung nih ks. sing 40 hrawng dih in tuah an timh i pakhatnak laksawng ah ks. sing 5, pahnihnak laksawng ah ks. sing 3 a si lai i pathumnak tu cu laksawng pek a um lai lo tiah kan theih.

Avoi 1nak Town Churches pumpuluh chuih zuamnak cu Free Methodist nih pakhatnak le Zion nih pahnih an rak ngah. Avio 1nak Town Churches pumpululh chuih zuamnak ah phu 21 an rak chuih kho. Avoi 1nak cu Chin ramkulh minister hlun Salai Isaac Khen bawmhnak in rak tuah a si.

Na ruahning rak langhter ve.. (Leave a comment)

%d bloggers like this: