Gangaw Ah Rithaisii Tarh In Tlaihmi Daw Tan Tan Myint Nih Thawng A Pe Tu Pawl Taza A Cuai Chin Ve Hna Lai
TCP-Thantlang| 2019 July 23| A luancia kum 2018 September thla lio ah Gangaw ah ngandamnak zung riantuantu Daw Tan Tan Myint cu rithaisii tarh ruangah tlaih a rak tong, mah kong ah thawngpang a petu pawl cu taza a cuai chin ve hna lai tiah kan theih.
Hi kong he pehtlai in July 22 ni Yangon ah amah Tan Tan Myint pumpak nih thawngfiannak a tuah i a tubantuk in a chim hi a si.
“2018 September 11 ni ah Gangaw biaceih zung ahmuh (case) kongkau kan tawlrel lio i ka tin lei Gangaw khua kan lonh tlawmpal ah palek minung 10 tluk nih an kan kham i an kan chek, ka zaal an chek an hmu lo, ka cycle chungah sii a dipmi an hmuhchuah. Cucu keimah ta a si lo nain an ka tlaih” tiah a chim.
Hi kong he pehtlai in 2019 July 19 ni ah Gangaw biaceih zung nih ngandamnak zung riantuanmi Daw Tan Tan Myint cu biaceih zung nih sual a phaw kho lo, a sual lo tiah bia a chahpiak. Cucaah biaceih zung nih hi kongah thawngpang a petu hna U Aung Htet le a hawile an thil tuahmi a si tiah a pom. Cucaah Naypyitaw Times Hmuh-khin Journal in Aung Htet le a hawile lila cu Daw Tan Tan Myint nih tazacuai than a timh hna hi a si. (Ref: The Fifth Wave News)
About The Author
