Gangaw Ah Zotung Ca Le Nunphung Cawnnak An Tuah
TCP-Kalay| 2019 April 1| Gangaw peng um Zotung Ca le Nunphung cawnnak Ahmat(2/2019) cu March 26 ni zing 8:30 ah Magwe ramthen, Gangaw khua Sub- Middle School Khaw teih sang ah an tuah.
Mah cawnnak hmun ah Magwe ramthen Chin miphun kongkau vuanci U Hla Tun, Ramthen Tlangcung mi ca le nunphung lei zung Deputy Director Daw On Ma Myint, Chin ram No.10 Amyotha hluttaw MP Pu Lal Min Thang, Zotung ca le nunphung Lutlai Rev.Lam Za Pum le District Public and information zung lutlai U Soe Myint nih an telpi khawh hna. Magwe ramthen Chin Miphung kongkau vuanci U Hla Tun nih biachimnak a ngeih tiah theih a si.
“Mah cawnnak ah Zotung calei thanchonak, Tlangcung mi cacawnnak ah saya/mah rian peknak kong, Chin Tuanbia cawnnak tiin nikhat ah cawnnak caan 6 le subject dang hna cawnchih dingin ceihmainak kan ngei hna tiah Zotung ca le nunphung lutlai Rev. Lam Za Pum nih a chim.
Mah Zotung ca le nunphung a cawngmi 120 an kai kho i March 26 in April 10 tiang ni 10 chung cawnnak a ngei lai tiah theih a si.
Credit/Thim Aung Naing
About The Author
