Gangaw Peng Htayhlaw Baptist Church Tikhor Cawhnak Caah Ramthen Cozah nih Bawmhnak An Pek

Htayhlaw Baptist Church sin bawmhnak pek lio/IPRD Gangaw

Salai Bawi Lian Sang|TCP-Kalay| September 2, 2020| Magwe ram cozah nih Gangaw peng Htayhlaw Baptist Church hmun chung ah (Awisih Tikhor) cawknak ding sing 70 bawmhnak  cu August 26, 2020 ah Ramthen Vawlei tang thilchuak pawngkam kilvennak le Electric Minister  U Myint Zaw nih Khrihfabu chungtuan sin ah peknak an tuah tiah IPRD Gangaw sin in thawng kan theih.

Mah tikhor cawknak bawmhnak in pe 400 thuk mi le a kauh Lehmah 4 tikhor  a cawh kho lai i Htayhlaw khuachung mi caah thathnemnak tampi a chuahpi lai tiah khuachung mi pakhat nih a chim.

Magweram chung peng 25 ah milu dihlak 3,878,390 ah Kawl miphun milu 3,822,384, Chin miphun milu 139583, le miphun dang an si. Khrihfa cu 23,614 an si, si kaw Chin miphun chung in milu 115,969 cu biaknak dang an bia tinak a si. Phungki cawng 3824, Bahkah cawng 85 le Saya te 642, siangngakchia 12,205 an um. Magwe ram ah Buddhist milu zatuak 98.8%, Khrihfa 0.7 %, Islam 0.3%, Hindu 0.1% le biaknak dangdang an um.

Gangaw peng milu dihlak ah 127,180 an um. Kawl miphun 115,140, zatuak in 90.83% le Chin 12,040 zatuak in 9.17% an um.

Na ruahning rak langhter ve.. (Leave a comment)

%d bloggers like this: