Gaza Ah Duhnak A Langhtermi Palestine 60 Leng Israel Ralkap Nih An Thah Hna Caah Israel Palai An Thawl

0

Salai Aung Aung| 2018 May 16| Israel ram Gaza ah May 14 ah duhnak a langhter mi chung in Israel ralkap nih hriamnam hmang in minung 60 nak tlawm lo an thah hna caah Turkey nih an ram i Israel palai cu chikkhat an thawl chung tiah theih a si.

Israel palai pa cu Turkey ramdang pehtlaihnak zungpi nih an auh i thil sining a linhsat deuh caah an ram ah chikkhat an kirter chung tiah Turkey ramdang pehtlaihnak zung lutlai pakhat nih a chim.

Cu bantuk in Israel ram Tel Aviv i a ummi Turkey palai pa zong thil sining ceihruah dingah Turkey cozah nih an ram ah an auh ve ti a si.

Gaza hi Israel le Palestine nih an rak i cuh zungzal mi hmun a si i Israel kut ah a um. Cu hmun cu Israel ralkap zong nih an congh i Palestine hriamtlai phu pakhat asimi Hamas ralkap pawl zong nih an congh ve.

Tu bantuk in duhnak a langhtermi mizapi cungah hriamnam hmang in thisen tiang a luanter tu Israel ralkap pawl thil tuah ning hi UN Humhimnak Council nih cun sual a phawt hna i hlathlainak zong kan tuah lai tiah a chim.

Palestine nih cun hi hi a phu phu in thahnawn nak tiah an ti i hi tan ah a thimi pawl caah ngaihchiatnak ni tiin nithum chung an thantar kha a tantim lawng thlai in ngaihchiat langhter nak an tuah.

Israel nih cun, a thimi hi Hamas minung deuh an si. Cun Hamas hriamtlai phu nih duhnak a langhter mi mizapi kha khamnak caah i hman in kan ramri tuk an timh caah kan ramri kan runvennak a si tiah an ti ve.

Hi bantuk in duhlonak an tuah nak an i thah hi Israel Independence Day, May 14 ah US nih an palai zung pi cu Tel Aviv khuapi in Jerusalem ah an thial ni ah a cang mi a si.

Ref: RFA Burmese

About The Author

Na ruahning rak langhter ve.. (Leave a comment)

%d bloggers like this: