Global Chin (Falam) Organization Nih Lailun Ah Museum An Sak Lai

0

TCP-Online| 2018 October 2| Global Chin (Falam) Organization -GCO tawlrelnak in Lailun ah hlanlio thilri le pipu hna rorah vialte chiahnak ding caah (Museum) inn sak an i tim tiah theih a si.

Hi hmun cu Ekah (2) tluk a kau mi hmun a si i hlanlio thil le ri, hlan lio pi le pu hna an rorah vial te cu khomh in hi hmun ah chiah ding an timh. Hi inn cu tha ngai in sak an timh i a hmunhma zong an kulh cang. Mah inn (Museum) cu tukum chungah a lam cawh le hmaikum ah rian domh i 2020 kum chungah a voi hninhnak Ruun Inn Tlun kum puai he peh in hunnak tuah te ding in timhtuahnak an ngei.

“Avoi khatnak Ruun Inn Tlun puai tuah lio ah hi inn (museum) saknak ding caah tiin sing 500 rak chiah cia a si. Cunak in hi rian hi thok a si. Hi inn (Museum) cu khuaza ramkip um Falam mi pawl i bawm in sak dingmi a si.” tiah Museum inn saknak tawlrel tu Pu Dar Lian Uk nih a chim.

Hi inn (Museum) chungah chiah ding in hlan lio thilri manfak mi pawl le a dangdang thilri phun pawl zong hi inn ah chiah a duh ve mi hna nih Chinland Herald Editor Salai Nhgepi, Pu Dar Lian Uk le Falam khuanu/pa houtu Pu Hrang Lawm Thang sin ah pehtlaihnak zong tuah i chiah khawh a si tiah kan theih.

(Ref: CH)

About The Author

Na ruahning rak langhter ve.. (Leave a comment)

%d bloggers like this: