Guys From Chin phu nih Champhai district ralzaam caah Rupee sing 7 an hlut
The Chinland Post | 2022 April 4 – Myanmar ralzaam caah Guys from Chin nih online in fund kawlnak an tuahmi chung in an ngahmi tangka cheuhkhat cu Mizoram, Zokhuathar ah a ummi ralzaam caah Rupee sing 7 (sing 160 leng) cu April 3 ah an hlut hna tiah theih a si.
An hlutmi tangka vialte cu Zokhuathar khua uknak lei rianṭuantu pawl le mipi bawmchantu phu pawl nih cohlan a si cang. An mah nih a herh deuh an tinak ah an pek chin hna lai tiah theih a si.
Zokhuathar khua cu Chin ramkulh, Rihkhawdar khua le Haimual khua mipi hna an i dornak a si.Cu khua ah, Myanmar ralzaam 2,000 in 3,000 kar an um i a cheu cu vok inn le ar inn ah har ngai in ṭhutdir a si.
Guys from Chin phu in Thawng Bawi, David Lai, Benjamin Sum le Yaw kee hna nih an va hlut hna.
March 22 zong ah Mizoram, Saiha district Chapi khua Myanmar ralzaam hna caah Rupee sing 6 leng cu Guys from Chin aiawh in David Lai le Yaw Kee nih an va hlut hna tiah Zalen sin in kan theih.
About The Author
