H1N1 Zawtnak In Minung 54 An Thi Manh Cang

0

The Chinland Post| 2019 July 16| Myanmar ram ramthen le ramkulh cheukhat ah atu lio zawtnak a chuakmi H1N1 zawtnak in minung 54 tiang an thi cang i Yangon ramthen in a tambik minung 43 an thi tiah ngandamnak zung nih July 15 ah a thanh.

2019 January 1 in July 15 tiang ah H1N1 zawtnak in a thimi cu; Yangon ramthen ah 43, Ayeyarwaddy ramthen ah 4, Pago ramthen ah 2, Magway ramthen ah 1, Sagaing ramthen ah 2, Mon ramkulh ah 2 a si.

Zawtnak lunghrinh i chekmi zapi hi 671 an si i cu chung in zawtnak ngeimi hi 274 an si tiah an thanh.

Myanmar ramchung 2017 kum ah tlangrai zawtnak chekmi 1165 lakah 458 nih zawtnak hrik an ngeih. Hi chung in 406 cu H1N1 zawtnak hrik an ngei i 38 an thi. 2018 kumchung tlangrai zawtnak chekmi 367 lakah 118 zawtnak hrik hmuh an si i cu chung in minung 13 an thi. Ref: Xinhua News

About The Author

Na ruahning rak langhter ve.. (Leave a comment)

%d bloggers like this: