Hakha Ah HECYF Cup September 23 In An Thawk Lai
Hakha pengkomh
Salai CungCung|2019 September 16| Hakha ah HECYF (Hakha Evangelical Church Youth Fellowship) Cup cu aralaimi September 23 in October 3 tiang Pu Kio Mang cerhhmun ah an tuah lai tiah kan theih.
“Hi HECYF Cup kan tuahnak a ruang bik cu, Khirhfabu kip ah a ummi mimo bu pawl hi pumpululh chuihnak hawikomnak le i hmuhton hi a fawi. Cun a nuam. Certual chung ah pumpululh chuihnak in hawikomhnak ser hna u sih, cun September 30 in October 3 zaan tiang UPC biakinn ah Pathian thangthahnak zong kan ngeih chih lai. Lentecelhnak lawng in hawikomhnak si loin Pathain thanthatqinak in hawikomhnak zong ngeih chih hna u sih ti saduhthahnak he kan tuah mi a si. Hi HECYF Cup cu hmailei zong ah kan pehzulh peng rih ko lai” tiah HECYF Cup Committee in tuanvo ngeitu pakhat nih The Chinland Post ah a chim.
Hi HECYF Cup pumpululh chuih zuamnak ah hin laksawng pawl cu, pakhatnak ah tangka Kyats 150000 le Trophy, pahnihnak laksawng ah tangka Kyats 80000 an si. Cun the best player pawl caah laksawng pawl cu Trophy a si lai tiah kan theih.
Hi HECYF Cup ah luh man cu Khirhfabu pakhat cio nih tangka kyats 50000 pek a si lai. A hnubik HECYF Cup ah Champion a hmu tu cu Believer Church of Myanmar an si tiah kan theih.
Tutan chuih zuamnak ah Khrihfabu 12 an i zuam kho lai tiah quanvo ngeitu upa sin in thawng kan theih.
About The Author
