Hakha Ah Minung Pahnih Sin in Covid -19 Positive An Hmuh Chap

Salai David Van|TCP-Hakha| 2020 December 8| Hahka ah Mandalay in a rak tlung mi motor mawng minung pahnih sin in December 7, 2020 ah Covid-19 Positive an hmuh chap hna tiah theih a si.

Hi kong he pehtlai in Hakha siizung ah riantuan tu Dr. A Zing nih “Nizaan zaan ah khan Hakha -Gankaw kalnak khualuh cheknak gate ah kan chek hna i atu bantuk in Covid hrik kan hmuh hna nak hi a si.Pakhat hi Monyua Khuasa, Moe-kuang-kin thil phor mawtaw mawngtu a si i kum 50 tluk a si. Adang pakhat deuh hi Kalaymyo khuasa, Kyaw-ye-yah mawtaw zultu a si i kum19 a si ve. An pahnih hin Mandalay in a ra veve mi an si. A tu Covid hrik kan hmuh mi pahnih hna hi Hakha taing-zin thlopbulnaknak siizung ah an thlop colh hna tiah” TCP sin ah a chim.

Covid-19 hrik an hmuhmi hna he aa neihniam mi hna cu Negative an si. Tuhi Hakha University FQ Center ah an chiah ve hna tiah kan theih.

Hakha Khuachung ah Covid-19 hrik a ngei mi dihlak minung 19 an si cang i minung 11 nih damnak tling an hmuh cang. Minung (8) hi Hakha taing-zin thlopbulnak siizung ah an thlop cuahmah hna lio a si tiah kan theih.

Na ruahning rak langhter ve.. (Leave a comment)

%d bloggers like this: