Hakha Ah Nawi Tidil Kyat (2000)Million Dih In An Sak Lai

Salai Bawi Lian Sang| TCP-Kalay| November 26, 2020| Chinramkulh ah a palinak tidil, Nawi tidil cu dinti le Hakha pawngkam aa dawhnak hnga ding ruahchannak he 2020-2021 ramkulh fund kyat(2000)million dih in 2021 kum January thla hrawngah nawi tidil sak ding in timhtuah a si lai tiah thawng theih a si.

Mah Nawi tidil hi Hakha khua in mile khat aa hlatnak tiva(3)tonnak ah sak a si lai. Tidil saknak ah Vawlei in ti khamnak phun a si lai i(tuan ah hlathlainak in an tah cia mi a si) a san Pe (95) a vang pe(820) le tidil ah Gallon (570,780,000), ti chuaknak lei sak ding mi thir concrete phun a kau(4) a san pe(6) in tidil saknak can ah kum (3) hrawng a rau te lai tiah theih a si.

Chinram kulh chung a hmasa bik tidil cu tlangcung lei um Laiva tidil, a pahnihnak Tikir tidil, apathumnak tlangtang lei um Laiva tidil le atu an sak ding mi Nawi tidil a si lai. Nawi tidil saknak ah pengchung um mipi hna nifatin din ti pek khawh ding in timhtuahnak he sak a si tiah thawng kan theih.

Nawi tidil kong he pehlai in 30-31.12.2009 ni hna ah Pu Ni Kung nih Yangon lei in expert pawl a rak tlun pi hna i preliminary survey an tuah. Ahmun an vun hmuh ahcun aadawh ningle afawi lai ning, athat lai ning pawl kha anlung a hmui ngai ko. Ni hnih chung an tah an zoh map he an zoh chih I dil nak hmun ding ah tung zong an phun tak. Atha tuk lai, “ Phaisa tu kawl ko cang u “an ti. Lai mi cheu khat nih bia siphai in ti a dil kho lai lo ti mi pawl le adang dang ceih mai nak zong kan lung a fiang dih cang ko. Thlacam in kan chan chung ah si khawh lo hman ah ka tefa chan ah cun Nawi tidil le Hakha khua scenery cu vawlei cung ah zah pi lo ding recreation center le tourist attraction hmun hma ah a cang kho te ko lai tiah zumh nak kan ngei tiah Pu R. Hram Ceu nih a chim.

Expert ara mi pawl cu;(1)Prof. Khin Mg Tint, leader asi I kawlram Dam nganngan 200 renglo design a suai tu a si. (2) Daw HtayHtay win Deputy Director, Irr. Dept, Quality Controller (3) U Zaw Win Chit Designer, Ass. Director, (4) U Kyi Htun Soil & water Lab. Technician. (5) U Than Naing Win, Geologist Irr. Manipur dam Le (6) U Soe Tint Irr. Center office hna an si tiah thawng kan theih. Ref: Taungzalat Time Media