Hakha Ah Nu Hna Namnehnak leTlaihrem Rialdipnak Duhlonak Lam An Zawh

Salai David Van| TCP-Hakha| 2020 December 9| Chinram Kulh Khualipi Hakha ah Latsi Women Agency hruainak in Nu hna namnehnak le tleihhrem rialdipnak duhlonak langhternak Lam an zawh tiah kan theih.

Hi kong he pehtlai in Lasi Wowen Agency Chungtel Mary nih “ Hi bantuk in duhlonak Lam kan zawhnak a ruang bik cu Nu hna Au-Aww le cawlcangh lamzawhnak thawng hin Nu tlaihhremnak le namneh rialdipnak a tuah bal mi hna nih hmailei caan ah an i ralrinnak hnga le midang hna nih hmailei caan ah an tuah ti lonak hnga lam zawh in kan Au nak asi” tiah TCP ah a chim.

“Hi lamzawhnak hi Hakha Thar lawngah si loin Rakhine Ramkulh Khuate cheukhat le Chinram ram kulh chungin Sami, Rezua, Chuncung le Falam zong ah kan tuah cang.Thaizing December 10 zongah Hakha Khuachung ah kan tuah nolh lai. Cun Zaangfahnawl kan duhmi hna cu Chuncung khuachung i lamzawhnak kan tuahmi ruangah Khua mi cheukhat nih lungtlinlonak le khua zeirel lonak ah an kan ruahpiak sual. Hi lam zawhnak kan tuahmi ruangah Khua zeirel lonak a tel hrimhrim lo. Ruah lo pi in Chuncung khua ah tlaihhremnak a chuah ruangah le hmailei i ralrinnak dingah kan tuahnak a si tiah” Latsi Women Agency chungtel Saw Khine Htuai nih TCP ah a chim.

Chin ram 2020 kum chungah ah pumtlamtlinlo nu hna le kumtlin lo nu tlaihhremnak cu Hakha, Paletwa, Kanpetlet, Sami le Chuncung hna ah a cang tiah kan theih.